نفسي اصدقك
نفسي اصدقك زى زمان
واشوف نظرة بريئة وحنان
قلبي بيبكى ولسه خايف منك
نفسه يحس الصدق في مشاعرك
مستغرب ازاى عينيك الجميلة خدعت عنيا
وضحكتك الصافية قدرت تكدب عليا
هو اللي بيحب يقدر يخدع حبيبه
ولا بتجرح لانك عارف انه مفيش غيرك طبيبه
بتقولي سامحنى اخرة مرة وبلاش عتاب
وكل مرة بخدع نفسي واغرق في دوامة عذاب
مش عارف مسامحك ولا صابر علي جرحك
الدنيا ضلمة ولا مرايتى سودا ولا حزنى بقي فرحك
نفسي اصدقك بس خلاص اتعودت علي كدبك
ومش عارف بصدقك ولا قلبى بيخدع قلبك
لسه قلبي صادق ولا خداعك قتل البراءة فيه
خايف يكون بقي زى قلبك ومتقولش ليه
اكيد بقيت زيك والغدر في قلبي هتلاقيه
انت السبب والصدق معاك ملوش مكان يعيش فيه
الخيانة من طبعك والكدب في دمك ومخبيه
هنفضل نقول حب وغرام وعشق وهوى ..لكن الخداع في قلوبنا وبنداريه
خسارة الاخلاص مجروح و حزين والخداع واقف بس الفرح باين فعنيه
اهداء لكم يارب تعجبكم
تحياتي
الثلاثاء أبريل 15, 2008 4:46 pm
